ENKONTRU STERRING COMMITE TIP BA DALA 9
Dili, 21 Novembru 2024
Ministru Komérsiu no Indústria Sr. Nino Pereira partisipa iha enkontru Sterring Commite ba portal informasaun komersial (sigla ingles; TIP) ba dala-sia, iha Banko Mundial Licedere Dili.
Iha Enkontru ba dasia ne’e fo importansia unika, iha prioridade governu dasia (9) atu bele asegura sistema komérsiu ne’ebe la’os deit livre, maibe mos fasilitadu ho diak tuir padraun internasional liuliu relativa ho Organizasaun Mundial Komérsiu (OMK) nomos Asosiasaun Paizes Sudeste Aziatiku-ASEAN.
Ministru Nino Pereira iha nia diskursu afirma portal informasaun ne’e hola parte iha kompromisu Timor-Leste nian no alinha ho padraun internasional hodi asegura Sistema komérsiu.
“Portal ne’e halo parte iha kompromisu Timor-Leste nian atu bele alinha ho padraun internasional, liuliu iha WTO trade Facilitation Agreement, bele asegura Sistema komérsiu ida ne’ebe diak ba Timor-Leste, iha ne’ebe ita espera atu bele kontribui ba diversifikasaun ekonómika, kriasaun ba empregu no asegura Timor-Leste nia estatutu ekonómiku ida diak iha rejiaun nomos mundu”_afirma Ministru MCI
Objetivu prinsinpal husi reuniaun ne’e atu bele asegura no iha koordenasaun interministeriál ho setór privado sira, atu dezenvolve portal ida ne’ebe bele asegura transparénsia no informasaun lalais iha Sistema fasilitasaun komersiál, importasaun no exportasaun ka komérsiu transfronterisu.
_Midia MCI
Favor hakerek Ita-Boot nia hanoin no ajuda ami hadi’ak ami-nia konteúdu.